Lanka Web Site

කෙහෙළියගේ දියනියට අතවරක්

2012-01-13T00:26:00.000+05:30

ඇමරිකාවේ ශ‍්‍රී ලංකා තානාපති කාර්්‍යාලයේ සේවයේ නියුතු කෙහෙළිය රඹුක්වැල්ල අමාත්‍යවරයාගේ දියනියවන චන්දුලා මෙනවියට, එක්සත් ජාතීන්ගේ සංවිධානයේ ඇමරිකානු කාර්්‍යාලයේ ශ‍්‍රී ලංකා නිත්‍ය නියෝජ්‍ය නියෝජිත මේජර් ජෙනරාල් ශවේන්ද්‍ර සිල්වා මහතා බලහත්කාරයෙන් අතවර කරඇතැයි එම තානාපති කාර්්‍යාලයේ නිලධාරියෙකු පැවසීය.

තමාව බලහත්කාරයෙන් ඇඳගෙන ගිය මේජර් ජෙනරාල්වරයා තමාට අතවර කිරිමට උත්සාහ කළද බලවත් සටනක් කොට තමා ගැලවී ආ බව ඇමතිවරයාගේ දියණිය තානාපති කාර්්‍යාලයේ ජ්‍යෙෂ්ඨයින්ට පැමිණිලි කර තිබේ.මෙම සිද්ධිය වාර්තා වූ වහාම කෙහෙළිය ඇමතිවරයා බලවත් කෝපයකින් යුතුව ඒ බව ජනාධිපතිරවයාට දැනුම්දී මේ සම්බන්ධයෙන් පරික්‍ෂණක් කරන ලෙස ඉල්ලා තිබේ.

ශවේන්ද්‍ර සිල්වාට නිසි දඩුවම් දෙන බව මෙහිදී පොරොන්දු වී ඇති ජනාධිපතිවරයා, එහෙත් මේ සම්බන්ධයෙන් කිසිවෙකුට නොකියන ලෙසත් ඒ සම්බන්ධයෙන් පියවර නොගන්නා ලෙසත් ඇමතිවරයාගෙන් ඉල්ලා තිබේ.ශවේන්ද්‍ර සිල්වාට මේ අවස්ථාවේදී මෙවැනි අපචාර චෝදනාවක් එල්ල වුවහොත් එය ඉල්.ටී.ටී.ඊ හිතවාදීන් ඔවුන්ගේ වාසිය සඳහා යොදවා ගත හැකි බව ජනාධිපතිවරයාගේ අදහස් වී තිබේ.

බොහෝ පිරිසක් එරෙහි වෙද්දී චන්දුලා දියනිය විදේශ අමාත්‍යාංශයට බඳවාගෙන ඇමරිකාව වැනි රටක තානාපති කාර්්‍යාලයක ඉහළ තනතුරක් ලබාදීමට තමා කටයුතු කළ ආකාරයද ජනාධිපතිවරයා මෙහිදී ඇමතිවරයාට සිහිපත් කර දී තිබේ.

මුරලි යළිත් පියෙක් වෙයි

2012-01-09T23:44:00.001+05:30

ශ්‍රි ලංකාවෙන් බිහිවූ ලොව සුපිරි දඟ පන්දු යවන්නා ලෙස සැලකෙන මුත්තයියා මුරලිදරන්ගේ බිරිඳ වන මදිමලර් චෙන්නායි නුවරදී දියණියක් ප‍්‍රසූත කළ බව වාර්තා වේ.

ජනාධිපති මහින්ද රාජපක්ෂ මහතා චෙන්නායි හි සිටින මුරලිදරන් වෙත මල් කළඹක් යවා අද (09) දිනයේදී සුබ පැතූ බවද පැවසේ.

මුරලිදරන් 2005 මාර්තු 21 වෙනි දින ඉන්දියානු ජාතික මදිමලර් රාමමුර්ති සමග විවාහ වූ අතර ඔවුන්ගේ පළමු දරුවා නරේන් උපත ලද්දේ 2006 ජනවාරි මාසයේදිය.

මුත්තයියාගේ බිරිය මලර් ආරෝග්‍යශාලාවේ වෛද්‍ය රාමමුර්තිගේ දියණිය වන අතර මදිමලර්ද වෛද්‍ය වරියකි.

මර්වින්ට විනය පරීක්‍ෂණයක්

2012-01-07T22:28:00.000+05:30

මහජන සම්බන්ධතා සහ මහජන කටයුතු අමාත්‍ය මර්වින් සිල්වා මහතාට කැලණිය ප‍්‍රාදේශීය සභාවේ සභාපතිවරයා ඇතුළු පිරිසක් නඟා ඇති චෝදනා පිළිබඳව ශ‍්‍රී ලංකා නිදහස් පක්‍ෂය විසින් විනය පරීක්‍ෂණයක් ආරම්භ කොට ඇත.

මේ අතර ඕනෑම පරීක්‍ෂණයක් සඳහා මුහුණ දීමට තමා සූදානම් බවද තමාට නඟන චෝදනා පිළිබඳව විනය පරීක්‍ෂණයක් ආරම්භ කරන ලෙස ශ‍්‍රී ලංකා නිදස් පක්‍ෂ මහ ලේකම්වරයා වෙත දැනුම් දුන්නේ තමා බවද මර්වින් සිල්වා මහතා කියා සිටී. තමා වෙනුවෙන් කැලණිය විශ්ව විද්‍යාලයේ ආචාර්යවරුන්, කථිකාචාර්යවරුන් මෙන්ම ප‍්‍රදේශයේ මහා සංඝ රත්නය මෙන්ම මහ ජනතාවද සිටින බවත් අමාත්‍යවරයා කියයි.

කැළණිය සංවර්ධනය කලේ මම - නරි හු කිව්වට අපි බය නෑ – මර්වින්

2012-01-06T18:06:00.001+05:30

කැළණිය ප‍්‍රදේශීය සභාවේ මන්තී‍්‍රවරුන් විසින් ඔහුට විරුද්ධව පවැත්වූ මාධ්‍ය සාකච්චාව ගැන අදහස් පලකරමින් අමාත්‍යවරායා ‘බෙලිඅත්තෙන් ආපු අපි වගේ අය නිසයි කැලණියේ ප‍්‍රදේශීය සභා මන්ත‍්‍රීවරු දියුණු වෙලා තියෙන්නේ. මම කරපු සංවර්ධනය කැලණියට ගියොත් ඕනි කෙනෙකුට බලාගන්න පුළුවන්’ යයි පැවසීය. වැඩිදුරටත් අදහස් දැක්වූ අමාත්‍යවරයා මෙසේ කීය.

‘සභාපතිවරයා ඇතුළු මන්ත‍්‍රීවරුන් මට චෝදනා කරනවා. සභාපතාවරයාගේ අලූත් ගෙදරයි, පරණ ගෙදරයි ගිහින් බලන්න වෙලා තියෙන වෙනස. අල්ත් ගෙරද වගුරු බිමක් ගොඩකරලයි හදල තියෙන්නෙ. ඒ ගෙදර ගල් හදන මැෂින් දෙකකුත් තියෙනවා. කවුරු කොහෙන් ප‍්‍රතිපාදන අවාත් වැඩක් නෑ. ඒ ප‍්‍රතිපාදන ලබාගන්න සංවිධායකයාගෙ අත්සන අවශ්‍යයයි. කැලණිය ආසනයේ සංවර්ධන වැඩකටයුතු කිරීමට ලැබුනු ප‍්‍රතිපාදන මම ප‍්‍රාදේශීය සභා මන්ත‍්‍රීවරුන්ට මම සමසේ බෙදල දුන්න සංවර්ධන වැඩ කිරීමට. නරියෝ කෑ ගැහුවට මම බය වෙන්නේ නෑ. වංචා දුෂණ චෝදනාවන් ඔප්පු කරන්න. මම ඒවාට නොබියව මුහුණ දෙන්න සූදානම්’

කැලණිය ප්‍රාදේශීය සභාවේ සභාපතිවරයා ඇතුළු මන්ත්‍රීවරුන් 12 දෙනකු මහජන සබඳතා හා මහජන කටයුතු අමාත්‍ය ආචාර්ය මර්වින් සිල්වා මහතාට එරෙහිව නැඟී සිටින්නට තීරණය කර තිබේ.කැලණිය ප්‍රාදේශීය සභාවේ සභාපති ප්‍රසන්න රණවීර,උප සභාපති චමිල දුමින්ද,ප්‍රා.මන්ත්‍රී ලංකා විජිත කුමාර, ප්‍රා.මන්ත්‍රී හසිත කැලුම් මඩවල,ප්‍රා.මන්ත්‍රී මිල්රෝයි පෙරේරා යන මහත්වරුන් ප්‍රාදේශීය සභාවේ පැවති මාධ්‍ය හමුවකදී මර්වින් සිල්වා අමාත්‍යවරයාට අභියෝග කර ඇත.

කැලණිය,කිරිබත්ගොඩ නගරවල කප්පම් ගැනීම,දූෂණ වංචා හා අක්‍රමිකතාවලට මර්වින් සිල්වා මහතා සහ ඔහුගේ සහචරයින් වගකිව යුතු බවත්,ඒ බව තහවුරු කිරීම සඳහා සියලු ලියකියවිලි හා තොරතුරු තමන් සතුව ඇති බවත් කැලණිය ප්‍රාදේශීය සභාවේ සභාපති ප්‍රසන්න රණවීර මහතා සඳහන් කරයි.තමා ඇතුළු මන්ත්‍රීවරුන්ට කිසියම් හෝ අනතුරක් සිදුවුවහොත් ඊට මර්වින් සිල්වා අමාත්‍යවරයා මුළු මනින්ම වගකිව යුතු බවත්,ඊයේ සිට තමාගේ නිවෙස්වලට මත් කුඩු දමා තමන්ව අත්අඩංගුවට ගැනීමට උත්සාහයක් තිබෙන බවත් සභාපතිවරයා කියා සිටියේය.

අමාත්‍යවරයා”පිබිදෙන කැලණිය”නමින් මහා පරිමාණ වශයෙන් කප්පම්ගත් බවත්,ඒවා හෙළිදරව් කිරීමට කටයුතු කරන බවත්,එකී දූෂණ,වංචා හා අක්‍රමිකතා පිළිබඳ ඕනෑම කෙනකු හා සංවාද කිරීමට සූදානම් බවත් ප්‍රා.මන්ත්‍රී ලංකා විජිත කුමාර මහතා පවසයි.

මේ වන විට මර්වින් සිල්වා මහතාට කැලණියට පැමිණෙන්නට හැකියාවක් නැති නිසා හැංගී සිටින බවත්,ඔහු කළ කී දෑ පිළිබඳ සියලු තොරතුරු තමන් සතුව ඇති බවත් ප්‍රා.මන්ත්‍රි හසිත මඩවල මහතා පෙන්වා දුන්නේය.අමාත්‍යවරයා ලක්ෂ ගණන් වියදම් කරමින් ගෙවල් හදන්නේ එතුමාගේ පුද්ගලික ධනයෙන් නොව කැලණියෙන් හම්බ කළ මුදලින් බව මන්ත්‍රීවරයා වැඩිදුරටත් කියා සිටියේය.
කැලණියේ සංවර්ධනයට මර්වින් අමාත්‍යවරයාගෙන් කිසිදු දායකත්වයක් නොලැබුණු බවත්,සංවර්ධන කටයුත්තක් සිදුවීනම් ඒ සියල්ල සිදුවූයේ ප්‍රාදේශීය සභාවේ මුදල් හා ණයට ගත් මුදල් වලින් බවත් මන්ත්‍රීවරයා අවධාරණය කළේය.

මර්වින්ට එරෙහිව කැලණිය නැඟීසිටයි

2012-01-05T23:25:00.001+05:30

කැලණිය ප්‍රාදේශීය සභාවේ සභාපතිවරයා ඇතුළු මන්ත්‍රීවරුන් 12 දෙනකු මහජන සබඳතා හා මහජන කටයුතු අමාත්‍ය ආචාර්ය මර්වින් සිල්වා මහතාට එරෙහිව නැඟී සිටින්නට තීරණය කර තිබේ.

අද කැලණිය ප්‍රාදේශීය සභාවේ සභාපති ප්‍රසන්න රණවීර,උප සභාපති චමිල දුමින්ද,ප්‍රා.මන්ත්‍රී ලංකා විජිත කුමාර,ප්‍රා.මන්ත්‍රී හසිත කැලුම් මඩවල,ප්‍රා.මන්ත්‍රී මිල්රෝයි පෙරේරා යන මහත්වරුන් අද ප්‍රාදේශීය සභාවේ පැවති මාධ්‍ය හමුවකදී මර්වින් සිල්වා අමාත්‍යවරයාට අභියෝග කර ඇත.

කැලණිය,කිරිබත්ගොඩ නගරවල කප්පම් ගැනීම,දූෂණ වංචා හා අක්‍රමිකතාවලට මර්වින් සිල්වා මහතා සහ ඔහුගේ සහචරයින් වගකිව යුතු බවත්,ඒ බව තහවුරු කිරීම සඳහා සියලු ලියකියවිලි හා තොරතුරු තමන් සතුව ඇති බවත් කැලණිය ප්‍රාදේශීය සභාවේ සභාපති ප්‍රසන්න රණවීර මහතා සඳහන් කරයි.

තමා ඇතුළු මන්ත්‍රීවරුන්ට කිසියම් හෝ අනතුරක් සිදුවුවහොත් ඊට මර්වින් සිල්වා අමාත්‍යවරයා මුළු මනින්ම වගකිව යුතු බවත්,ඊයේ සිට තමාගේ නිවෙස්වලට මත් කුඩු දමා තමන්ව අත්අඩංගුවට ගැනීමට උත්සාහයක් තිබෙන බවත් සභාපතිවරයා කියා සිටියේය.

අමාත්‍යවරයා"පිබිදෙන කැලණිය"නමින් මහා පරිමාණ වශයෙන් කප්පම්ගත් බවත්,ඒවා හෙළිදරව් කිරීමට කටයුතු කරන බවත්,එකී දූෂණ,වංචා හා අක්‍රමිකතා පිළිබඳ ඕනෑම කෙනකු හා සංවාද කිරීමට සූදානම් බවත් ප්‍රා.මන්ත්‍රී ලංකා විජිත කුමාර මහතා පවසයි.

මේ වන විට මර්වින් සිල්වා මහතාට කැලණියට පැමිණෙන්නට හැකියාවක් නැති නිසා හැංගී සිටින බවත්,ඔහු කළ කී දෑ පිළිබඳ සියලු තොරතුරු තමන් සතුව ඇති බවත් ප්‍රා.මන්ත්‍රි හසිත මඩවල මහතා පෙන්වා දුන්නේය.

අමාත්‍යවරයා ලක්ෂ ගණන් වියදම් කරමින් ගෙවල් හදන්නේ එතුමාගේ පුද්ගලික ධනයෙන් නොව කැලණියෙන් හම්බ කළ මුදලින් බව මන්ත්‍රීවරයා වැඩිදුරටත් කියා සිටියේය.

කැලණියේ සංවර්ධනයට මර්වින් අමාත්‍යවරයාගෙන් කිසිදු දායකත්වයක් නොලැබුණු බවත්,සංවර්ධන කටයුත්තක් සිදුවීනම් ඒ සියල්ල සිදුවූයේ ප්‍රාදේශීය සභාවේ මුදල් හා ණයට ගත් මුදල් වලින් බවත් මන්ත්‍රීවරයා අවධාරණය කළේය.

මේ අයුරින් කැලණියේ සභාපති,උප සභාපති ඇතුළු මන්ත්‍රීවරුන් මර්වින් සිල්වා අමාත්‍යවරයාට අභියෝග කරමින් ඔහුගේ අමන ක්‍රියාකාරකම් පිළිබඳ හෙළිදරව් කළද පසුගිය කාලයක් පුරා අමාත්‍යවරයාගේ ගුණ වර්ණනා කරමින් අමාත්‍යවරයාගේ වැඩපිළිවෙළට සහය දුන්නේද මොවුන්මය. ඒ පිළිබඳ අද දවසේ මාධ්‍යවේදියකු විසින් අසන ලද ප්‍රශ්නයකට පිළිතුරු දෙමින් ඔවුන් පවසා ඇත්තේ ගෙවුණු කාලයේ තමන්ගේ කොන්ද පණ නොතිබුණු නමුත් අද වෙද්දී කොන්ද පණ ඇති බවයි.

කරුණාගේ නව අවුරුදු සාදය

2012-01-04T23:33:00.000+05:30

කොළොඹ රාමදා හෝටලයේ කරුණා සහ ඔහුගේ ලේකම්වරිය වන ශාන්තිනි දිල්රුක්ෂි නව අවරුදු උදාවීමේ ප්‍රීතිය භුක්තිවින්දේ පහත පරිදිය.

ෆොන්සේකාගේ පෙත්සමට ජනපතිත් අත්සන් කරලා - නිරවද්‍යතාවය ගැන සැකයිලු

2012-01-04T23:27:00.000+05:30

සරත් ෆොන්සේකා මහතා නිදහස් කර ගැනීම වෙනුවෙන් අමෙරිකාවේ ධවල මන්දිරයට භාර දුන් පෙත්සමේ නිරවද්‍යතාවය සම්බන්ධයෙන් සැක පළව ඇතැයි වාර්තා වේ.

සති 04 ක් වැනි කෙටි කලක් තුළ දී පුද්ගලයින් 25,638 දෙනකු අන්තර් ජාලය ඔස්සේ ඊට අත්සන් තැබු බව සඳහන් වුවද එලෙස අත්සන් තැබුවන් අතර මහින්ද රාජපක්‍ෂ නමින් 05 දෙනකු ද ශිරන්ති රාජපක්‍ෂ නමින් 05 දෙනකු සහ ගෝඨාභය රාජපක්‍ෂ නමින් දෙදෙනකු ද වන බව සඳහන්ය.

බැසිල් රාජපක්‍ෂ නමින් දෙදෙනකු, නාමල් රාජපක්‍ෂ නමින් දෙදෙනකු සහ යෝෂිත රාජපක්‍ෂ නමින් දෙදෙනකු ද අත්සන් තැබුවන් අතර වේ. රෝහිත රාජපක්‍ෂ, ශෂේන්ද්‍ර රාජපක්‍ෂ සහ චමල් රාජපක්‍ෂ ලෙස ද ඊට අත්සන් තබා ඇති අතර මර්වින් සිල්වා නමින් අත්සන් දෙකක් සහ විමල් වීරවංශ නමින් අත්සන් දෙකක් ද ඊට ඇතුලත්ය.මහින්ද යාපා අබේවර්ධන, ලක්‍ෂමන් යාපා අබේවර්ධන, මනූෂ නානායක්කාර, මහින්දානන්ද අලූත්ගමගේ, සනත් ජයසූරිය, අනුරුද්ධ රත්වත්තේ, ෆෙඞ්රිකා ජෑන්ස් සහ ලක්‍ෂමන් හුළුගල්ලේ යන නම්වලින් ද ඊට අත්සන් තබා තිබේ.

තිලකරත්න ඩිල්ෂාන්, මහේල ජයවර්ධන, රොෂාන් මහානාම, රංජන් මඩුගල්ල, මුත්තයියා මුරලිදරන්, චමින්ද වාස්, මාවන් අතපත්තු, චාමර සිල්වා සහ උපුල් තරංග, චාමර කපුගෙදර, තිලිණ කණ්ඩම්බි, උපුල් තරංග, ඇන්ජලෝ මැතිව්ස් සහ ළහිරු තිරිමාන්න යන නම්වලින් ද ඊට අත්සන් තබා ඇත.එහෙත් එම අත්සන් සත්‍ය ඒවාදැයි විශ්වාස කිරීම අපහසු බව පැවසෙන අතර මේ හේතුවෙන් පෙත්සමේ නිරවද්‍යතාවය සම්බන්ධයෙන් සැක පලව ඇත.

අධිවේගීයේ බස් රථ කාලසටහන

2012-01-03T23:01:00.000+05:30

දකුණු අධිවේගී මාර්ගයේ අද පටන් ශ්‍රී ලංගම විසින් සුඛෝපභෝගී බස් රථ දෙකක් ධාවනයට එක්කළ අතර මුල් අදියරේදී මෙම බස්රථ දෙක පිවිසුම් ස්ථානවල නතර නොකරයි.
ඉදිරියේදී මගීන්ගෙන් ලැබෙන ඉල්ලුම අනුව පිවිසුම් ස්ථාන වලද නතර කරන පුළුල් බස්රථ සේවයක් ඇරඹීමට සැලසුම් කර තිබේ.

මේ අනුව, මෙම බස්රථ දෙක දැනට මහරගම සිට ගාල්ලට ධාවනය කෙරෙන අතර කොට්ටාවේ හා පින්නදූවේ පමණක් නතර කරයි.මෙහිදී, මහරගම සිට ගාල්ලට රුපියල් 400 ක්ද, කොට්ටාවේ සිට ගාල්ලට රුපියල් 380 ක්ද, කොට්ටාවේ සිට පින්නදූවට රුපියල් 350 ක්ද, මහරගම සිට පින්නදූවට රුපියල් 370 ක්ද අයකරනු ලබයි.

එක් බස්රථයක් මහරගමින් උදෑසන 6.00 ට ගමන් ආරම්භ කර උදෑසන 7.30 ට ගාල්ලට ළඟාවන අතර අනික් බස් රථය ගාල්ලෙන් උදෑසන 6.00 ට ගමන් ආරම්භ කර උදෑසන 7.30 ට මහරගමට ළඟාවේ.යළි මහරගමින් උදෑසන 8.00 ට බස්රථයක් ගමන් ආරම්භ කරන අතර එය උදෑසන 9.30 ට ගාල්ලට එන අතර ගාල්ලෙන් උදෑසන 8.00 ට ගමන් ආරම්භ කරන බස් රථය මහරගමට එන්නේ උදෑසන 9.30 ටයි.

මහරගමින් උදෑසන 10.00 ට ආරම්භ වන බස් රථය ගාල්ලට උදෑසන 11.30 ට එද්දී ගාල්ලෙන් උදෑසන 10.00 ට එන බස් රථය උදෑසන 11.30 ට මහරගමට පැමිණේ.මහරගමින් පස්වරු 12.30 ට ආරම්භ වන බස්රථය ගාල්ලට සවස 2.00 වනවිට පැමිණෙන විට ගාල්ලෙන් පස්වරු 12.30 ට ආරම්භ වූ බස්රථය සවස 1.30 වනවිට මහරගමට ළඟාවේ.

යළි මහරගමින් සවස 2.30 ට ආරම්භ වන බසය ගාල්ලට ළඟා වන්නේ සවස 4.00 ටයි. ගාල්ලෙන් සවස 2.30 ට පැමිණෙන බසය මහරගමට සවස 4.00 ට පැමිණීමට සැලසුම් කර ඇත.දිනයේ අවසන් බස් රථය මහරගමින් සවස 4.45 ට පිටත් වන අතර ගාල්ලට සවස 6.15 වනවිට පැමිණීමට නියමිත අතර ගාල්ලෙන් පිටත්වන අවසන් බස් රථය සවස 4.45 ට පිටත්වී මහරගමට සවස 6.15 වනවිට පැමිණීමට නියමිතය.

මැති ඇමතිවරුන්ගේ පැටිකිරිය

2012-01-03T22:55:00.000+05:30

එක්තරා අමාත්‍යාංශයක වසර අවසානයේදී පැවැති සුහද සාදයකදී සභාපතිවරයකු විෂය භාර ඇමැතිවරයා ඉදිරියේදීම අදාළ අමාත්‍යාංශයේ ලේකම්වරයාට පහර දී ඇතැයි එම අමාත්‍යාංශයේ ආරංචි මාර්ගවලින් වාර්තා වේ.ගැටුම සමතයකට පත් කිරීමට ඇමතිට ද මැදිහත්වමට සිදුවූ බව පැවසේ.කෙසේවුවද ගැටුම සමතයකට පත් කිරීමට පෙර සභාපතිවරයා ලේකම්වරයාට එක් පහරක් එල්ල කර තිබේ.

අමාත්‍යාංශයේ ඇතැම් තීරණ සම්බන්ධයෙන් මෙම සභාපතිවරයා හා ලේකම්වරයා නිතර නිතර ගැටුම් ඇතිකරගන්නා බවදපැවසේ.පහර කෑමට ලක්වූ ලේකම්වරයා එම අමාතයංශය විසින් පසුගිය දිනක පවත්වන ලද සම්මාන උත්සවයක්ද වර්ජනය කර අතැයිවාර්තා වේ.එම අමාත්‍යාංශයේ හිටපු ලේකම්වරයා ඒ වෙනුවට සහභාගි වී ඇතැයි ද පැවසේ.

බීමතින් ඇදවැටී තොන්ඩමන් රෝහලේ

මේ දිනවල යුරෝපා සංචාරයක නිරතව සිටින අමාත්‍ය අරුමුගම් තොන්ඩමන් මහතා නව අවුරුදු උදාවසැමරීමට ගොස් බලවත් අකරතැරබ්බයකට මුහුණ දී රෝහල් ගත කර ඇතැයි විශ්වාස කටයුතු ආරංචි මාර්ග පවසයි.පසුගිය 31 වන දින රාත‍්‍රියේ නව අවුරුදු උදාව නිමිත්තෙන් රාත‍්‍රී සමාජ ශාලාවක පැවති සාදයකට සහභාගී වී ඇතිඅමාත්‍යවරයා, අධික ලෙස මත්පැන් පානය කිරීමෙන් පසු සාමාජ ශාලා පරිශ‍්‍රය තුල ඇද වැටී තුවාල ලබා ඇත.

අනතුරුව සමාජ ශාලාවේ පාලකයන් විසින් ඔහු රෝහල් ගත කර තිබේ.අත්වලට සහ පාදවලට තුවාල සිදුව තිබීම නිසා රෝහලෙන් පිටවීමෙන් පසුව දින කීපයක් විවේක ගන්නා ලෙස ඇමතිවරයාටවෛද්‍ය උපදෙස් ලැබී ඇතැයිද වාර්තා වේ.

2012.12.21 දින ලෝක විනාශයක්‌ සිදුවන බව අසත්‍යයක්‌

2012-01-03T22:41:00.000+05:30

2012 වසරේ ලෝක විනාශයක්‌ සිදුවන බවට මායාවරුන්ගේ දින දර්ශනයේ සඳහන් වී ඇති බවට කෙරෙන ප්‍රකාශය සාවද්‍ය බවත් එහි දක්‌වා ඇත්තේ දෙසැම්බර් 21 වැනිදා නව දින දර්ශනයක්‌ ආරම්භ වන බවත් මහාචාර්ය ලොරෙන්සෝ බැරිනෝ පවසයි.

වැඩිහිටි මායාවරුන් විසින් මෙම මායා කැලැන්ඩරය ක්‍රියාත්මක වන ආකාරය ගැන තමාට දැනුමක්‌ ලබාදුන් බවද හෙතෙම කියා සිටියේය. 2012 දෙසැම්බර් 21 වැනිදා අලුතින් දින දර්ශනයක්‌ ආරම්භ වෙනවා. මෙය සමහරු වැරදියට තේරුම්ගෙන ඇතැයි එම මහාචාර්යවරයා තවදුරටත් පැවසීය.

SMS මගින් පොලිසියට දඩ ගෙවීමක්

2012-01-03T13:23:00.000+05:30

රථවාහන ධාවනයේදී සිදුකරන වැරදි වලදී නිකුත්කරන දඩ පත්‍රිකා දුරකතනයේ කෙටි පණිවිඩයක් මගින් ගෙවා දැමීමේ ක්‍රමයක් මෙම වසරේදී හදුන්වා දීමට නියමිතයි.

ඒ අනුව යම්කිසි වැරද්දක් සඳහා දඩ කොලයක් එම රියදුරාට නිකුත්කළ පසු පොලිසිය විසින් හදුන්වා දෙන සුවිශේෂී දුරකථන අංකයට කෙටි පණිවුඩයක් මාර්ගයෙන් අදාළ දඩ මුදල බැරකළ හැක.

පොලිසියේ ගිණුමට මුදල් බරවූ පසු දඩ ගෙවූ පුද්ගලයාට එය සනාථ කරමින් කෙටි පණිවිඩයක් ලැබෙන අතර එම පණිවිඩය පොලිස් නිලධාරියාට පෙන්වීමෙන් රියදුරු බලපත්‍රය නැවත ලබාගත හැක.

මෙයට අදාළ තාක්ෂණික ක්‍රමවේදයන් පිලිබඳ මේ වනවිට ආතර් සි. ක්ලාර්ක් ආයතනය සමග පොලසිය සාකච්චා පවත්වමින් සිටි.

උපාලි ධර්මදාස ශ‍්‍රී ලංකා ක‍්‍රිකට් සභාපති ධූරයට

2012-01-03T13:22:00.000+05:30

ශ‍්‍රී ලංකා ක‍්‍රිකට් ආයතනයේ සභාපතිවරයා ලෙස උපාලි ධර්මදාස අද (03) පත් වුණා.වසර හතකට පසු ශ‍්‍රී ලංකා ක‍්‍රිකට් ආයතනය සඳහා පැවති මැතිවරණයේදී ඔහු නිතරගයෙන් තේරී පත්වීම විශේෂත්වයක්.

ශ‍්‍රී ලංකා ක‍්‍රිකට් ආයතනයේ ලේකම්වරයා ලෙස නිශාන්ත රණතුංග තේරී පත්වූ අතර උපසභාපතිවරුන් වන්නේ කේ. මතිවානන් සහ අසංග සෙනෙවිරත්නයි.

විමල්ගේ බිරිඳ භාර්යාවෝගෙන් ඉවතට

2012-01-03T12:44:00.001+05:30

විමල් විරවංශ අමාත්‍යවරයාගේ බිරිඳ පසුගිය දවසක අලුත් වැඩකට අත ගැහුවා.ඒ ටෙලි නාට්‍යයක තිරපිටපත ලිවීමෙන් හා තේමා ගීතය ලිවීමෙන්.

විමල් විරවංශ ඇමතිතුමා ප්‍රධාන ආරාධිත අමුත්තා වශයෙන් සහභාගී වුන මුහුරත් උළෙලකුත් ජයටම පැවැත්වුවත් මේ වෙනකොට විමල් විරවංශ අමාත්‍යවරයාගේ බිරිඳ ශෂී වීරසිංහ එම ටෙලි නාට්‍යයෙන් ඉවත් වී ඇති බව අපට වාර්තා වෙනවා.

මෙයට හේතුවෙලා තියෙන්නේ නාට්‍යයේ නිෂ්පාදිකා සුධර්මා නෙත්තිකුමාර එයාට ඕන විදියට ශෂී ගේ තිර පිටපත වෙනස් කිරීමයි.

ශෂී ගේ අවසරයක් නැතුව ඕන ඕන විදියට තිරපිටපත වෙනස් කරපු එකට ශෂී විරවංශ මහත්මිය මේ දවස්වල ඉන්නේ හිත වේදනාවෙන්ලු.

එත් මේ ගැන සුධර්ම නෙත්තිකුමාර නම් කියල තියෙන්නේ මේ වගේ කතාවක් "එයා මේක ලියල තියෙන විදියට කොහමද ටි.වී චැනල් එකෙන් ඇප්රුවල් ගන්නේ. කොහමහරි ටෙලිකාස්ට් කරන්න පුළුවන් විදියට හදල දෙන්න ඕන.."

දළඳා මාළිගයේ අනුරුව සහිත ඇඳුම් තොගයක් වෙළඳපොළේ

2012-01-03T00:36:00.001+05:30

මහනුවර ශ්‍රි දළඳා මාළිගයේ අනුරුව සහිත කාන්තා ඇඳුම් තොගයක් විකිණීමට තිබියදී සොයාගෙන තිබේ.

මහනුවර නගරයේ නිමි ඇඳුම් අලෙවිසලක තිබූ එම ඇඳුම් පිළිබද තරුණයන් පිරිසක් විසින් පොලිසියට දැනුම් දී ඇති බව වාර්තා වේ.

පසුව අදාළ අලෙවි සැලේ කළමනාකාරවරයාගෙන් පොලිසිය ප්‍රකාශයක් සටහන් කරගෙන ති‍බේ.

එවැනි ආකාරයේ ඇඳුම් අලෙවි නොකරන ලෙසට අලෙවිසල් හිමිකරුවන් දැනුවත් කරන ලෙස මේ සම්බන්ධයෙන් ශ්‍රී දළඳා මාළිගයේ දියවඩන නිළමේ ප්‍රදීප් නිලංග දෑල මහතා අදාළ අංශ වෙත උපදෙස් ලබා දී ඇති බව වාර්තා වේ.

අධිවේගීයේ වට පහක් පෙරලි ගිය ප්‍රාඩෝව

2012-01-02T22:00:00.001+05:30

දක්ෂිණ අධිවේගී මාර්ගයේ ධාවනය වෙමින් තිබූ ප්‍රාඩෝ රථයක් පින්නදූව පිවිසුම් දොරටුව අසලදී පාර මැද පෙරළීමෙන් එම රථයේ ගමන් කළ කාන්තාවන් තිදෙනෙක් තුවාල ලැබ පසුගිය 29 වනදා රෝහල්ගතකොට තිබුනා.රථයේ වේගය පාලනය කිරීමට නොහැකි වීමෙන් පින්නදුව පිවිසුම් මාර්ගය අසලදී අනතුරටපත් එම මෝටර් රථය වට පහක් පමණ පෙරලිගොස් ඇත.

එම මෝටර් රථය පදවා තිබුනේ 26 හැවිරිදි කාන්තාවක් විසිනි. සිද්ධියෙන් තුවාල ලැබුවේ පිළියන්දල ප්‍රදේශයේ පදිංචිකරුවන් වන අතර දෙවුන්දර බලා ගමන්කිරීමේදී මෙලෙස අනතුරට ලක්ව ඇත.

සමාව ඉල්ලන්නේ නෑ – අනෝමා

2012-01-02T22:00:00.000+05:30

තමා හෝ තම පවුලේ කිසිවකු ජෙනරාල් සරත් ෆොන්සේකා නිදහස් කරගැනීම වෙනුවෙන් ජනාධිපතිවරයාගෙන් සමාව ඉල්ලීමට සූදානම් නැති බව අනෝමා ෆොන්සේකා මහත්මිය ප‍්‍රකාශ කළාය.

ඇය මේ බව ප‍්‍රකාශ කළේ ජෙනරාල් සරත් ෆොන්සේකාට සමාව ලබාදීම සඳහා ඔහුගේ පවුලේ උදවිය තමාගෙන් ඉල්ලීමක් කළ යුතු බවට ජනාධිපතිවරයා දෙසැම්බර් 20 වැනිදා මාධ්‍ය ප‍්‍රධානීන්ගේ හමුවේදී කර ඇති ප‍්‍රකාශය පිළිබඳව විමසීමේදීය.

එසේම ජෙනරාල් ෆොන්සේකා මහතා නිදහස් කරගැනීම සම්බන්ධයෙන් පා.ම. ටිරාන් අලස් මහතා සාකච්ඡා පවත්වමින් සිටින බවද ඇය ප‍්‍රකාශ කළාය.

පා.ම ටිරාන් අලස් මහතාගෙන් මේ පිළිබඳව කළ විමසීමකදී ඔහු ප‍්‍රකාශ කළේ ජෙනරාල් ෆොන්සේකා නිදහස් කර ගැනීමේ සාකච්ඡාවල ප‍්‍රතිඵල හොඳ මට්ටමක තිබෙන බවය.

‘මේක ලොකු ප‍්‍රශ්නයක්. අපි යම්කිසි එකඟතාවකට එන්න ඕන. ජනපති කියනවා ෆොන්සේකා පවුලේ අයට ඇවිත් කතා කරන්න කියලා. ෆොන්සේකා පවුලේ අය කියනවා ඒ අය සමාව ගන්නේ නැහැ, මොකද සමාව ගන්න වරදක් කරලා නැහැ කියලා. එතකොට අපි උත්සාහ කරන්නේ මේ දෙක මැද විසඳුමකට එන්නයි’ යනුවෙන් ද මන්ත‍්‍රීවරයා ප‍්‍රකාශ කළේය. එසේම ප‍්‍රජාතන්ත‍්‍රවාදී පක්ෂයේ උප සභාපති වශයෙන් හඳුන්වමින් පුද්ගලයකු කර ඇති නිවේදනය අමූලික බොරුවක් බවත්, එවැනි පුද්ගලයකු තම පක්ෂයේ නොමැති බවත්, එය ෆොන්සේකා මහතාව හිරේම තැබීමට කරන කුමන්ත‍්‍රණයක් බවත්, පක්ෂයක් ලෙස ඔවුන් ඉන්නේ අනෝමා ෆොන්සේකා මහත්මියගේ ස්ථාවරයේ බවත් මන්ත‍්‍රීවරයා වැඩිදුරටත් ප‍්‍රකාශ කළේය. ෆොන්සේකා මහතා නිදහස් කරගැනීමට නම් ෆොන්සේකා මහත්මිය කළ යුතු හොඳම දේ වන්නේ ජනාධිපතිවරයා හමුවී සමාව ඉල්ලීම බවට පසුගියදා නිවේදනයක් නිකුත්කර තිබුණත් ප‍්‍රජාතන්ත‍්‍රවාදී පක්ෂයේ උපසභාපති මහේෂ් අතපත්තු මහතාය.

ජනපති සමාවට ඉල්ලීම් අවශ්‍ය නෑ – වැලිඅමුණ

විමලනාත් වීරරත්න

ජනාධිපතිවරයාට අවශ්‍ය නම් ඒ සඳහා කිසිවකුගේ විශේෂ ඉල්ලීමක් අවශ්‍ය නොවන බවත්, සිරගතව සිටින ඕනෑම පුද්ගලයකුට ජනාධිපති සමාවක් පිරිනැමිය හැකි බවත් එය ආණ්ඩුක‍්‍රම ව්‍යවස්ථාවේ පැහැදිලිව සඳහන්ව ඇති බවත් නීතිඥ ජේ.සී වැලිඅමුණ මහතා පැවසීය.

ඒ මහතා මේ බව ප‍්‍රකාශ කළේ ඉල්ලීමක් ලැබුණොත් සරත් ෆොන්සේකා මහතාට ජනාධිපති සමාවක් ලබාදීම ගැන සලකා බැලිය හැකි බවට ජනාධිපතිවරයා කර තිබෙන ප‍්‍රකාශය පිළිබඳව රාවය කළ විමසීමකදීය.

ලංකාවේ ජනාධිපතිවරුන් විසින් වඩාත්ම අයුතු ලෙස යෙදවූ ආණ්ඩුක‍්‍රම ව්‍යවස්ථා ප‍්‍රතිපාදනය ජනාධිපති සමාව යැයි කියා සිටි වැලිඅමුණ මහතා ගෝනවල සුනිල්ගේ සිට මෑත අවධියේ මහනුවර හිටපු නාගරාධිපතිවරයා දක්වා අයට ජනාධිපතිවරුන් විසින් සමාව ප‍්‍රදානය කරන ලද බවද කීය. වත්මන් ජනාධිපතිවරයාට අවශ්‍යනම් සරත් ෆොන්සේකා මහතාට ජනාධිපති සමාව දිය හැකි බවත් අවශ්‍ය නැත්නම් එසේ සමාව නොදී සිටිය හැකි බවත් වැලිඅමුණ මහතා වැඩිදුරටත් කීය.

ෆොන්සේකාගේ පෙත්සම ඔබාමාට බාරදෙයි

2012-01-01T21:30:00.000+05:30

සරත් ෆොන්සේකා මහතා සිර දඬුවමෙන් නිදහස් කිරීමට මැදිහත් වන ලෙස ඉල්ලමින් ඇමරිකාවට ඉදිරිපත් කෙරෙන පෙත්සම අත්සන් විසිපන්දහසක් සම්පූර්ණ වී ඇති බව ඒ මහතාගේ ආගමික කටයුතු සම්බන්ධීකාරක දීඝායූ අබේනායක මහතා පවසයි.

අත්සන් 25,000 සමඟ පෙත්සම මේ වන විට ඇමරිකාවේ ධවල මන්දිරයේ ජනාධිපති බැරක් ඔබාමාගේ කාර්යාලයටද යවා ඇතැයි පවසන ඒ මහතා අත්සන් ලබාදුන් සැමට

ස්තුතිය පලකරන බවද කියා සිටී. අදාල පෙත්සම අත්සන් කරීම දැනට මසකට පමණ පෙර ආරම්භ විය.

මේ අතර මෙම පෙත්සම ලැබුනු බව සහ ඒ සම්බන්ධයෙන් ගත යුතු ඉදිරි ක‍්‍රියාමාර්ග සඳහා යොමු කර ඇති බව ධවල මන්දිර වෙබ් අඩවිය වාර්තා කරයි.

Happy New Year!

2012-01-01T21:29:00.000+05:30

2012

ඔබ සැමට සුබ අලුත් අවුරුද්දක් වේවා..!

අපි Lanka Web Site

2012 ඔබට කොහොමද?

2011-12-31T23:39:00.000+05:30

මේෂ

ලග්නාධිපති පස්‌වැන්නේ ගමන් ගන්නා අතර දහය අධිපති ශනි 7 වැන්නේ ගමන් ගනී. ගුරු ලග්නයේ සිටී. ශනි දකී. ශුභපල බහුල වසරකි. අතරමඟ ඇනහිටි අධ්‍යාපන කටයුතුවලට යළි අත ගසන්න හැකි වේ. සම්මුඛ පරීක්‌ෂණ, විභාගවලදී උසස්‌ ප්‍රතිඵල බලාපොරොත්තු විය හැක. අමතර භාෂා දැනුම ලබාගන්න මඟ පෑදෙයි. විදේශ අධ්‍යාපනයට අවකාශ පවතී.

නව රැකියා බලාපොරොත්තු පහසුවෙන් සපල වෙයි. නොලැබුණ උසස්‌වීම් ලැබෙන ලකුණු පහළ වේ. විදේශ රැකියා අවස්‌ථා යෙදිය හැක. දුර බැහැර අයට ළඟට එන්න මඟපෑදෙයි. රැකියා අංශ ප්‍රධානීන්ගේ ප්‍රසාදයට පත්වේවි. ආදායම් මාර්ග සරුවෙයි. මැයිවලට පසු හදිසි ධනලාභ ඇති වෙයි. ගුරු දෙකේ යන නිසා මැයිවලට පසු හිඟ මුදල්, විශ්‍රාම, අර්ථසාධක පහසුවෙන් ලැබෙයි. සුළු මුදලක්‌ යොදා විශාල ලාභ ලැබිය හැකි කාලයකි. මුත්‍රා රෝග, ලේ විෂවීම් නිසා පීඩා පවතී. විෂබීජ මුල්වූ අසනීප බහුල කාලයකි. බෝවන රෝග වැළඳුනහොත් කරදර ඇති වේ. සැත්කම්වලට ඉඩ ඇත. බඩවැල ආශ්‍රිත රෝග තත්ත්ව ගැන සැලකිලිමත් වන්න. මංගල යෝජනා සපල වෙයි. අඹුසැමි ප්‍රශ්න විසඳේ. රාහු අටේ නිසා නොසිතූ ප්‍රශ්න ඇති වේ. අසල්වැසියන් සමග ප්‍රශ්න ඇති කර ගනී.

උපතේ සඳු දෙපස හෝ සඳුගෙන් අටේ ශනි යයි නම් කේන්ද්‍රය පරීක්‌ෂා කර ප්‍රතිකර්ම යොදා ගන්න. ශුභ පල හීනවන බැවිනි.

ශුභ දිනය – බ්‍රහස්‌පතින්දා ශුභ අංක – 2, 5, 9 ශුභ වර්ණය – රතු ශුභ මැණික්‌ – රතු මැණික්‌

වෘෂභ

ලග්නාධිපති සිකුරු නව වැන්නේ ගමන් ගන්නා අතර 9 වැන්න අධිපති ශනි යෝග කාරකයාද වෙමින් හයවැන්නේ ගමන් ගනී. ශුභපල දෙන කදිම පිහිටීමකි.

අධ්‍යාපන කටයුතුවල සාර්ථක බවක්‌ පෙන්නුම් කරයි. වෙනදා නැති උනන්දුවක්‌ පවතී. විදේශ අධ්‍යාපනයට මඟ පාදයි. බලවත් අයගේ සහාය ඒ සඳහා යොමුවේ. අමතර පුහුණු කටයුතුවලට යොමු වේ. උසස්‌ අධ්‍යාපන කටයුතුවලට හොඳයි.

රැකියාවේ දියුණුවක්‌ ප්‍රගතියක්‌ ඇති වෙයි. පැවැති පීඩාකර ගති මඟහැරෙයි. පමාවූ උසස්‌වීම් හිමිවිය හැක. අලුත් රැකියා අවස්‌ථා උදාවෙයි. දුර බැහැර යැමට සිදු වේ. විදේශ රැකියා බලාපොරොත්තු විය හැක. රැකියා අංශ ප්‍රධානීන්ට ඔබ නැතිවම බැරිවෙයි. මුදල් ලැබීම යහපත් වුවත් වියදම් බහුල විය හැකිය. ඉතිරි කිරීම අසීරු වේ. අලුත් වැඩට අතගසා හොඳ ප්‍රතිඵල ලැබිය හැක. මැයිවලට පසු ආර්ථිකයේ පෙරළියක්‌ ඇති වේ. අතමිට සරුවේවි. හවුල් වැඩට යන්න අවස්‌ථා උදාවේ.

පෙම් සබඳතාවලට බාධා ඇතිවෙයි. මංගල යෝජනා ගැන උනන්දුව අඩුවෙයි. අඹුසැමි අවුල් මතුවිය හැක. යුග දිවියේ ප්‍රශ්නවලදී ප්‍රවේශමෙන් දුර දිග බලා කටයුතු කළ යුතුය. පොදු කටයුතුවලට මුල්වී කටයුතු කරයි.

සුළු අසනීප දුරදිග යැමට පිළිවන. අර්ශස්‌ රෝග උග්‍රවිය හැක. ගෑස්‌ටික්‌ රෝග, හන්දි ආශ්‍රිත රෝග පීඩා කරයි. ශරීර සනීපය ගැන සැලකිලිමත් වන්න. සඳු මුල්වූ ඒරාෂ්ඨක ඇත්නම් සැලකිලිමත් විය යුතුය.

ශුභ දිනය – සිකුරාදා ශුභ අංක – 2, 5, 7 ශුභ වර්ණය – රෝස

ශුභ මැණික්‌ – දියමන්ති

මිථුන

ලග්නාධිපති හයවැන්නේ ගමන් ගනී. ශනි පස්‌වැන්නේ උච්ච බලයෙන් ගමන් ගනී. ගුරු අයස්‌ථානගතව සිටී. ශුභපල බහුල වසරකි.

භාග්‍ය යෝගයක්‌ සහිතව ශනි පස්‌වැන්නේ බැවින් උසස්‌ අධ්‍යාපන කටයුතුවලට වඩා යහපත්. තරග විභාගවලින් ජය ලබාවි. අරමුණ කරා යන්නට අවස්‌ථාව උදාවේ. මතක ශක්‌තිය බලවත් වන වසරකි. පසු නොබලා කටයුතු කරයි. සතුරු කරදර පැවතියත් වෘත්තීය කටයුතුවල ප්‍රගතියක්‌ ඇති වේ. උදාසීන ගති මඟහැරෙයි. මාධ්‍යයට සම්බන්ධ අයට විශේෂ පහසුකම් ලැබේ. පොත්පත් මුද්‍රණයට මඟපෑදෙයි. බලවත් අයගේ ආධාර උපකාර හිමිවේ. උගතුන් ඇසුරට පත්වෙයි. රැකියාවට උසස්‌වීම් නිසැකව ලැබේ. ආදායම් තත්ත්වය යහපත් අතට පත්වෙයි. ලොතරැයි වාසනා පෑදිය හැක. අයිති හිමිකම් ලබාගත හැක. අන් සතු දේ හිමිවන වසරකි. නව තාක්‌ෂණ අංශවලට යොමුවේ. විශේෂ දියුණුවක්‌ එමගින් ඇති වේ. මුදලක්‌ ඉතිරි කරන්නට කලකට පසු ලැබෙන කාලයකි.

විවාහ පමාවූ අයට සතුටුවිය හැකි වසරකි. මංගල යෝජනා සපල වේ. වෙන්ව සිටි අය යළි එක්‌වෙයි. වසර මැදට පසු ළඟ ඥතීන් සමග ප්‍රශ්න ඇති වේ. සතුරුකම් කළ මිතුරන් ලෙස සිටි අයත් හඳුනාගන්න ලැබේවි. අලුත් ඉඩම් නිවාස මිලට ගන්න ත්‍යාග ලෙස ලැබෙන්න පිළිවන. සුළු අසනීප පැවතිය හැක. විහින් ඇති කරගන්නා අසනීප කරදර බලපායි. යටපත් රෝග සුව අතට පත්වේවි. සඳුගෙන් අටේ, සඳු දෙපස ශනි යයි නම් කේන්ද්‍ර පරීක්‌ෂාව අවශ්‍ය කාලයකි.

ශුභ දිනය – බදාදා ශුභ අංක – 5, 3 ශුභ වර්ණය – කොළ

ශුභ මැණික්‌ – පච්ච

කටක

ලග්නාධිපති සඳු නව වැන්නේ ගමන් ගනී. යෝග කාරක කුජ ධන භාවයේ තැන්පත්ව සිටී. ලග්නයෙන් සිව්වැන්නේ ශනි උච්චව සිටී. ගුරු දස වැන්නේ සිටී. ශනිට සම සප්තව සිටී. විශාල ජයග්‍රහණ රැසක්‌ ඇතිවන වසරකි. අඩපණ වූ අධ්‍යාපන කටයුතු යළි යථා තත්ත්වයට පත්වෙයි. අමතක වීම වැනි දේ මේ වසර තුළ මඟහැරෙයි. උසස්‌ අධ්‍යාපනයට විදේශ ගමන් යෙදෙයි. තරග විභාගවලදී නොසිතූ ප්‍රතිඵල පෙන්වයි. මැයිවලට පසු බොහෝ අධ්‍යාපන කටයුතුවලට අදාළ ගැටලු විසඳේවි.

රැකියාවට අදාළ කටයුතු නොසිතූ පරිදි කාර්යක්‍ෂම වේවි. උසස්‌වීම් සමග උසස්‌ තනතුරු ලැබේවි. රැකියාවට තිබුණු විලංගු බාධක මඟහැරෙයි. නව රැකියා සඳහා අවස්‌ථා උදාවේ. විදේශ රැකියා අපේක්‍ෂා කරන අයට සතුටු විය හැකි වසරකි. ව්‍යාපාර කටයුතු දියුණුවට පත්වේ.

ආදායම් තත්ත්වය නොසිතූ පරිදි ඉහළ යන කාලයකි. අමතර ආදායම් මාර්ග නොසිතූ අය නිසා පෑදෙයි. හැකියා දක්‌ෂතා නිසා උසස්‌ ජීවන රටාවක්‌ ඇති වෙයි. විදේශ රැකියා සඳහා යන්න ලැබේවි. අලුත් යමක්‌ කිරීමට කලක්‌ තිස්‌සේ පැවති ආශාව සපල වේවි. ව්‍යාපාර කර්මාන්තවලට නව පනක්‌ ලබාදේවි.

ඉඩමක්‌, නිවසක්‌ මිලට ගැනීමේ ආශාව සපල වේවි. යුග දිවියේ ප්‍රශ්න නිමාවට පත්වන අතර පෙම් සබඳතාවලට පැවැති බාධකත් තුරන් වේවි. දරු ඵල අපේක්‌ෂා සඵල වේවි. උගතුන් බලවතුන් ඇසුරට පත්වේවි. වාහන ලාබත් බලාපොරොත්තු විය හැක.

ලේ ගමනේ ප්‍රශ්න නහර සම්බන්ධව අසනීප පහසුවෙන් වැළඳිය හැකි වසරකි. ගෑස්‌ටික්‌ ගැන හොඳ අවධානයෙන් සිටිය යුතුය. සඳුගෙන් හා දෙපැත්තේ ශනි යයි නම් ඒරාෂ්ටක බව සිහියට ගත යුතුය.

ශුභ දිනය – සඳුදා, බ්‍රහස්‌පතින්දා ශුභ අංක – 2, 7 ශුභ වර්ණය – කහ, සුදු ශුභ මැණික්‌ – මුතු

සිංහ

ලග්නාධිපති රවි පස්‌වැන්නේ සිට ලග්නය දකී. යෝග කාරකයා ලග්නගතව සිටී. බොහෝ කලකට පසු ශුභ පලදෙන ග්‍රහයෝ ශුභ දැකුම් හෙළා සිටී. නිසැකවම ශුභ පල බහුල වසරකි.

සම්මුඛ පරීක්‌ෂණවලදී පහසු ජයක්‌ අත්වේ. අධ්‍යාපන කටයුතුවල විශේෂ වෙනසක්‌ දියුණුවක්‌ ඇති වෙයි. තරග විභාගවලින් පැරදුන විශේෂ ජයග්‍රහණ ලබන වසරේÊහිමිවෙයි. වෙනදාට වඩා ඉදිරිපත් වීම විශේෂ කරුණක්‌ වේවි.

දෙක එකොළහ අධිපති බුධ සිව්වැන්නේ රාහු සමග ගමනකි. සුළු මුදලක්‌ යොදා විශාල ධනලාභ ලැබිය හැකි කාලයකි. වෘත්තීය ගෞරවය රැකේවි. අපේක්‍ෂා කළ රැකියාවම ලැබෙන කාලයකි. විශේෂ ආයෝජනවලට,

ව්‍යාපාරවලට සම්බන්ධ වෙයි. දේපළ අලෙවිය, වැලි, ගඩොල්, ගොඩනැඟිලි උපකරණ ව්‍යාපාර දියුණු වෙයි. උපදේශාත්මක රැකියාවල නිරත අයට ඉතා හොඳ කාලයකි.

පමාවූ විවාහ ඉක්‌මන් වෙයි. අවුලට පත් විවාහ ජීවිතයට හොඳ කලදවසක්‌ උදාවේවි. දරුඵල නොමැතිව ලතවුණ අයට සතුටු විය හැකි වසරකි. නීති මගින් අයිති හිමිකම් ලබා ගන්නත් මඟ පෑදෙයි. අතරමඟ නතර කළ ඉදිකිරීම් කටයුතුවලට නව පනක්‌ ලබාදෙයි. වාහන ගන්න ලැබුණොත් පුදුම විය යුතු නැත. නොසිතූ අය ළඟ ඇසුරට පත්ව අනාගත යහපත සැලසේ. කලක්‌ පැවති අසනීප සුව අතට පත්වෙයි. හන්දි අමාරු, මුත්‍රා රෝග, සීනි ප්‍රශ්නය සැනසිලිදායක තත්ත්වයට පත්වේ. සුළුÊඅසනීපවලදී සැලකිලිමත්ව සහනය උදාකරගත හැක.

සඳුගෙන් අටේ ශනි නම් ප්‍රවේශම් විය යුතු කාලයකි.

ශුභ දිනය – ඉරිදා ශුභ අංක – 1, 4 ශුභ වර්ණය – තැඹිලි ශුභ මැණික්‌ – පද්මරාග

කන්‍යා

ලග්නාධිපති බුධ වික්‍රමස්‌ථානයේ ගමන් ගනී, ගුරු 9 වැන්නේ සිට ලග්නය දකී. ශනි දෙවැන්නේය. සමපලදායක වසරකි. විදේශ පුහුණුවලට මඟපාදයි. අතරමඟ ඇනහිටි අධ්‍යාපන කටයුතුවලට යළිත් අතගසයි. විශ්වවිද්‍යාලයට දින ගනිමින් සිටි අයට සතුටු විය හැකි පුවත් අසන්න ලැබෙයි. මැයි මැද සිට මතක ශක්‌තිය වර්ධනය වේ. උගතුන් ඇසුරට පත්වෙයි. දෙවන භාෂා දැනුම පුළුල් වේ.

ප්‍රසිද්ධියට පත්වන කරුණු රැකියාව නිසාම ඇති වේ. හැකියාවෙන් හොඳ ප්‍රයෝජන ලැබිය හැකියි. විදේශ

රැකියාවලටත් නොසිතූ මාර්ග පෑදෙයි. කලා අංශයට යොමුවූ අයට උසස්‌ තත්ත්වයක්‌ හිමිවේ. ගරු සම්මාන ලබයි. ආනයනය අපනයනයට සම්බන්ධ නම් නොසිතූ ප්‍රගතියක්‌ ඇති වේ.

ලැබීම අතින් විශේෂ වසරක්‌ වේවි. ලොතරැයි වාසනාවලට ඉඩකඩ පවතී. අපතේ ගිය දෙයක්‌ නොසිතූ පරිදි ආදායම් මඟක්‌ බවට පත්වේ. පොලියට මුදල් දෙන අයටත් පැවති ගැටලු

රැසක්‌ විසඳෙයි. ධන භාවය තුළ ශනි උච්චවීම විශාල වාසනාවක්‌ වේවි.

යම් යම් අයගේ බලපෑම් නිසා ඉදිරි ගමනට අවහිර පවතී. දේශපාලනයට සම්බන්ධ අයට නොසිතූ ගැටලු ඇති වේ. ගුරු අටෙන් යන තුරු මාරක බාධක කාලයකි. පොළවෙන් වස්‌තු ලැබිය හැක. හවුල් වැඩවලදී ප්‍රසාදයක්‌ ඇති වේ.

උදරාබාධ විශේෂ කාලයකි. සැත්කම්වලට ඉඩ ඇත. කොඳු ඇට සම්බන්ධ අසනීප ප්‍රශ්න ඇති කරයි. සැත්කම්වලට බරයි. මුත්‍රා පෙරීමේ ගැටලු බලපායි. සඳුගෙන් අටේ හා සඳු දෙපස ශනි යයි නම් ප්‍රවේශම් විය යුතු වසරකි.

ශුභ දිනය – බදාදා ශුභ අංක – 7, 10 ශුභ වර්ණය – කොළ

ශුභ මැණික්‌ – පච්ච

තුලා

ලග්නාධිපති සිකුරු සිව්වැන්නේ දිග් බලයෙන් සිටී. සිව්වැන්න අධිපති ශනි ලග්නයේ “සේනක” යෝගයෙන් අති ප්‍රබලව ගමන් ගනී. ශුභපල දායක වසරකි.

ඈලි මෑලි ගතියෙන් අධ්‍යාපන කටයුතුවල නිරත වුණු අයට අමුතු ශක්‌තියක්‌ ඇති වේ. මතකය අලුත් වන කාලයක්‌ බැවින් තරග විභාගවලදී පහසු ජයක්‌ හිමිවේ. ශිෂ්‍යත්වලදී පහසු ජයක්‌ හිමිවේ. ශිෂ්‍යත්ව වලදී උසස්‌ ප්‍රතිඵල පෙන්වයි. විශ්වවිද්‍යාලයට යන මඟක්‌ හෙළි පෙහෙළි වෙයි.

නව ව්‍යාපාර ආරම්භයට ඉතා හොඳ වසරකි. සතුරු බාධක නොතකා ඇරැඹූ කටයුතු කරගෙන යාවි. අදාළ

රැකියා ස්‌ථානය තුළ කැපී පෙනන අයෙකු බවට පත්වෙයි. දේශපාලනයට සම්බන්ධ අයට අන් අයගේ පිහිටෙන් ඉදිරියට යන ශක්‌තිය ලැබේවි. අත ගසන කටයුතු සපල වන බලයකි.

2 අධිපති 11 වැන්නේ ගමන නිසා වසර මුලම විශාල ධන ලාබ ඇති කරයි. ආර්ථිකයේ පැහැදිලි වෙනසක්‌ දියුණුවක්‌ ඇති කරයි. සාධාරණ මාර්ගවලින් ධනය ඉපයීමට උනන්දුවක්‌ දක්‌වයි. උපායශීලීව කටයුතු කර විශේෂ දියුණුවක්‌ 2012 තුළ ලබාවි.

වාහන හෝ ඉඩම් ලැබෙන පින මතුවේ. මංගල යෝජනා සඵල වී සිතට සතුටක්‌ පවතී. දරුපල අපේක්‌ෂා සඵල වේවි. පවුලේ අයෙකුට හදිසි පීඩා පැමිණෙයි. අනවශ්‍ය දෙයට කාලය ධනය වැයවෙයි. නීති ප්‍රශ්න පැටලිය හැක.

මුත්‍රා සම්බන්ධ අසනීප, මස්‌පිඬු වේදනා, ස්‌නායු දුර්වලතා, ලේ ගමනේ ප්‍රශ්න වරින් වර මතු කරයි. සඳුගෙන් අටේ ශනි නම් සැනසීම අඩු කරයි.

ශුභ දිනය – සිකුරාදා ශුභ අංක – 2, 9 ශුභ වර්ණය – රෝස

ශුභ මැණික්‌ – දියමන්ති

වෘශ්චික

ලග්නාධිපති කුජ දස වැන්නේ ගමන් ගනී. ශනි 12 වැන්නේ ගමන නිසා ලග්න ඒරාෂ්ඨක තත්ත්වයක්‌ පවතී. ශුභඵල හානි කර පිහිටීමකි. උපතේ ශනි බලවත් නම් වදින පහරට බෝලය උඩ යන්නාක්‌ මෙන් ඔබ ඔසවා තැබීමට හේතු වේවි.

ගුරු 6 වැන්නේ ගමන අධ්‍යාපන කටයුතුවලට යම් යම් බාධා ඇති කරයි. මතකය අඩුවීමට කරුණු යෙදෙයි. පෙම් සබඳතාවලට පැටලීම ඉදිරි අධ්‍යාපන කටයුතුවලට බාධක වෙයි. උපතේ ගුරු බලවත් අයට ප්‍රශ්න තිබුණත් ජයක්‌ අත්වේ.

රැකියාව ගැන වෙනදා නැති උනන්දුවක්‌ පවතී. උසස්‌ වීමට පැවති බාධාත් මඟහැරෙයි. නව රැකියා සඳහා උනන්දුව තව තවත් වැඩිවෙයි. රැකියා ස්‌ථාන මාරුව යහපතට හිටී. රාහු කේතු ගමන ඇතැම් විටෙක ව්‍යාපාර කටයුතුවලට බාධා ඇති කරයි. රට ගමන් යෙදෙයි.

විනාශය විනාශ කරමින් ශනි 12 වැන්නට පැමිණීම යමක්‌ ඉතිරි කරන්න තරම් හේතු ඇති කරයි. බ්‍රොaකර් වැඩවලින් හොඳ ප්‍රතිඵල අත්වේ. දුරදිග බලා ගන්නා තීන්දු තීරණ නිසා නොසිතූ වාසිත් සැලසේ. උපතේ රාහු ලග්නයේ නම් ප්‍රවේශමෙන් කටයුතු කළ යුතුය.

ගෙදරදොර කටයුතුවල ආකූල ව්‍යාකූල තත්ත්ව ඇති කරයි. පෙම් සබඳතාවලට විවිධ බාධා ඇති වේ. යුග දිවියේ ප්‍රශ්න ඇති කරයි. වාහන මිලට ගැනීම්වලදී ප්‍රවේශම් සහිත වන්න. ඇපවීම් නිසා කරදර පැමිණේ.

ගමන් බිමන්වලදී අනතුරු පවතී. ලේ විෂවීම්, සමපිට රෝග, ලේ ගමනේ ප්‍රශ්න බලාපොරොත්තු විය යුතුය. සඳුගෙන් අටේ ශනි යනවා නම් වඩා ප්‍රවේශම් විය යුතුය.

ශුභ දිනය – අඟහරුවාදා ශුභ අංක – 5, 9 ශුභ වර්ණය – රතු

ශුභ මැණික්‌ – රතු කොරල්

ධනු

ලග්නාධිපති පස්‌වැන්නේ ගමන් ගනී. 2 – 3 අධිපති ශනි 11 වැන්නේ උච්ච බලයෙන් ගමන් ගනී. කලකට පසු ශුභ ග්‍රහයෝග රැසක්‌ පවතී. ශුභ ඵල බහුල වශයෙන් ගෙන දේවි.

උසස්‌ අධ්‍යාපන කටයුතුවලින් ඉහළම සාමාර්ථ ලැබිය හැකි වේවි. වැඩ බැරි වුණත් පාස්‌ වන්න වාසනාව ඇති කරයි. ආත්ම ශක්‌තිය හා උනන්දුව තරග විභාගවලට බලපායි. අමතර පුහුණු කටයුතුවලට අවස්‌ථාව උදා වේ. බලවත් අයගේ සහයෙන් නව රැකියා අවස්‌ථා උදා කර ගනී. ඊට අදාළ පුහුණු අවස්‌ථාවක්‌ යෙදෙයි. වැඩ තහනමට ලක්‌වූ අයට හිඟ වැටුප් සමඟ රැකියා ලැබේවි. උපදේශාත්මක රැකියා කරන අයට හොඳ කාලයකි. විදේශ රැකියා සඳහා ගත් උත්සාහයන් ඵල දරයි. ව්‍යාපාර කටයුතු සඵල වෙයි. මැණික්‌ ගැරීම් වලින් නොසිතූ වාසි අත් වෙයි. නිධන් පහළ විය හැකි කාලයකි. හිඟ මුදල් ණය මුදල් ලැබේවි. පෙර පින් මතුවන බලයක්‌ පවතී. ඉඩමක්‌ නිවසක්‌ මිලට ගන්න අවස්‌ථා උදා වේ. නඩු හබ වලින් ජය අත්වේවි. නොසිතූ අයගේ සහාය ලැබේවි. ගේ දොර අලංකාරයට පියවර ගනී. වාහන මිලට ගැනීමට ලැබේවි. දරුවන්ගේ ජයග්‍රහණ දැක සතුටු විය හැක. දේපොළ ප්‍රශ්න නිරවුල් වේවි. එකට සිටින අයම සතුරන් විය හැකි වසරකි.

ශරීර සනීපය ගැන සැලකිලිමත් වන්න. ගමන් බිමන් වලදී අනතුරු. සීනි ප්‍රශ්න බලපායි. කොඳු ඇට ආශ්‍රිත වේදනා පවතී. සඳුගෙන් අටේ ශනි යයි නම් ශුභ ඵල හීන කරයි.

ශුභ දිනය බ්‍රහස්‌පතින්දා

ශුභ මැණික්‌ – පුෂ්පරාග ජය අංකය 3 – 5 – 6

ශුභ වර්ණය කහ

මකර

ලග්නාධිපති ශනි දසවැන්නේ බලවත්ව ගමන් ගනී. සේනක යෝගය ප්‍රබලව යෙදී පවතී. රාහු 11 වැන්නේ ගමන් ගනී. බෙහෙවින් බලවත් වසරකි.

වසර මුල සිටම ඉගෙනීමේ වැඩ කටයුතුවලට උනන්දුවක්‌ ඇති වේ. උසස්‌ අධ්‍යාපන කටයුතුවලට යහපත් වේවි. දෙවන භාෂාවන් ඉගෙනීමට විශේෂ ඕනෑකමක්‌ ඇතිවෙයි. විදේශ අධ්‍යාපනයටත් නොසිතූ මඟක්‌ පෑදිය හැක.

රැකියාවට පැවැති සියලු බාධක මඟහැරෙයි. නතරව තිබූ උසස්‌වීම් හා පඩි වැඩිවීම් වසර මුලම ලැබේවි. බලවත් අයගේ බලපෑම් නිසා ස්‌ථාන මාරුවීම්වලටත් ලක්‌වෙයි. නව රැකියා අවස්‌ථා පහසුවෙන් හිමි වේ.

රැකියාවේ වෙනසකට සූදානම් අයට ඉතා යහපත් කාලයකි. රැකියාවට අදාළ ශිෂ්‍යත්වලට ඉඩ කඩ වැඩිය. ව්‍යාපාර අංශවල නිරත අයට ඉතා පැහැදිලි ඉදිරි ගමනකි.

රාහු 11 වැන්නේ ගමන ලොතරැයි වාසනා ගෙන දීමට කරුණක්‌ වේවි. සුළු මුදල් යොදා විශාල ලාබ ලැබිය හැකි කාලයකි. බ්‍රොaකර් වැඩවලින් වාසි අත්වෙයි. නොසිතූ මාර්ගවලින් මුදල් ලැබේවි. මැණික්‌ ගරන අයට හොඳ කලදවසක්‌ උදා වේ.

දේපළ මිලට ගැනීමට අවස්‌ථා උදා වෙයි. මංගල යෝජනාත් සඵල වේ. පවුලට අලුත් සාමාජිකයන් එක්‌වේවි. නීති ප්‍රශ්න වලින් ජය අත්වේ. ණය මුදලක්‌ ගෙවීමට හෝ උගසට තැබූ දෙයක්‌ බේරාගන්න සමත් වේ. බලවත් අයගේ සහාය ලැබේ.

යටපත් රෝග මතුවීමට පිළිවන. හන්දි අමාරු සුළු වශයෙන් හෝ බලපායි. විෂ දෙයින් පීඩා පැමිණේ. සඳුගෙන් අටේ ශනි නම් ප්‍රවේශම් විය යුතුය.

ශුභ දිනය අඟහරුවාදා ශුභ මැණික්‌ – නිල්

ශුභ අංකය 2 – 7 – 9 ශුභ වර්ණය නිල්

කුම්භ

ලග්නාධිපති ශනි ලග්නයෙන් නව වැන්නේ ගමන් ගනී. ගුරු තුන්වැන්නේ ගමනක යෙදෙයි. බොහෝ කලකට පසු වාසනාව පෑදුන කාලයකි.

බුධ දස වැන්නේ සිටියදී වසර ඇරඹෙයි. විදේශ අධ්‍යාපනයකට මඟ පාදයි. අතරමඟ නතර කළ අධ්‍යාපන කටයුතු යළි ඇරඹීමට හැකි වේ. ජ්‍යෙdතිෂය වැනි දේ ඉගෙනීමට පහසුකම් ලැබේ. විශ්වවිද්‍යාල අධ්‍යාපනයට පාර කැපෙයි.

රැකියාවට හදිසි උසස්‌වීම් හිමිවේ. දුර බැහැර අයට පහසු ස්‌ථාන මාරු ලැබිය හැක. විදේශ රැකියාවලට යන්න අවස්‌ථා සැලසේ. ආනයන අපනයන කටයුතුවලට සම්බන්ධ නම් විශාල දියුණුවක්‌ පවතී. රජයේ

රැකියා බලාපොරොත්තු අයට සතුටු විය හැකි වසරකි. පැරැණි රැකියා ස්‌ථානවලින් යළි කැඳවිය හැක. ස්‌වයං රැකියාවල යම් දියුණුවක්‌ පවතී. රැකියා අංශ ප්‍රධානීන් සමඟ ගැටලු නිරාකරණය වේ. ධනය ලැබීම අතින් යහපත් කාලයක්‌ උදා වෙයි. ලොතරැයි වාසනා උරගා බැලීමට යහපත් කාලයකි. අන්සතු ධනයට වාසනා බලය පවතී. අහිමිවන තත්ත්වයක පැවැති මුදලක්‌ නොසිතූ පරිදි හිමි වේ. ඉඩම් නිවාස අලෙවි වලින් නොසිතූ ඵල ප්‍රයෝජන හිමි වේ. විශාල වශයෙන් අත මිට මුදල් ගැවසේවි.

දේපළ ගැටලු විසඳෙයි. අඹු – සැමි ප්‍රශ්න නීති මගින් නිරාකරණය වේ. රට යන අදහසට බාධා පවතී. අත්හදා බැලීම් සාර්ථක වේ. අලුත් ඉදිකිරීම් කටයුතුවලට අතගසයි.

වාත වේදනා වරින්වර මතු වේ. නොසැලකිල්ල නිසා අනතුරු ඇති වේ. රාත්‍රි ගමන් අත්හරින තරමට හොඳයි. සුළු තුවාල දුරදිග යන කාලයකි.

ශුභ දිනය සෙනසුරාදා ශුභ අංක 6 – 8 ශුභ වර්ණය – නිල්

ශුභ මැණික්‌ – නිල් මැණික්‌

මීන

ගුරු දෙවැනනේ ගමන් ගනී. ශනි අට වැන්නේ බලවත් ගමනක යෙදෙයි. ලග්න අෂ්ඨම එdරාෂ්ඨක තත්ත්වයකි. ගැටලු පැවැතියත් අධ්‍යාපන කටයුතුවලට විශේෂ උනන්දුවක්‌ ඇතිවෙයි. උත්සාහයෙන් අරමුණු සඵල කර ගනී. විදේශ අධ්‍යාපනයකට වාසනාව පවතී. විශ්වවිද්‍යාල ගමනට පැවැති බාධා බොහෝ දුරට සමනය වෙයි. 2012 අධ්‍යාපනයට හොඳයි.

අපහසුවකින් තොරව නව රැකියා අවස්‌ථා උදාකර ගනී. දුර බැහැර සිටි අය පදිංචි ප්‍රදේශවලට මාරු ලබා ගනී. රැකියාවේ හදිසි වෙනස්‌කම් පවතී. දුරදිග බලාගත් තීරණ නිසා උසස්‌වීම්වලටත් මඟ පෑදෙයි. අනපේක්‍ෂිත මුදල් ලාබ බලාපොරොත්තු විය හැක. තරගකාරී සූදුවලින් වාසි සැලසෙයි. හිඟ මුදල් අර්ථ සාධක ගන්නට නොහැකි අයට සතුටු විය හැකි කාලයකි. ලොතරැයි වාසනාවලට මඟ පාදයි. අවදානම් වැඩට යෙදූ මුදලුත් ගන්නට හැකි වේ. අඩු මිලට ගත් දේවල් විශාල මිලකට අලෙවි ලාබ සහගත තත්ත්ව පවත.S

හවුලේ වැඩවලට හොඳ කාලයක්‌ නොවේ. ඇපවීම්වලට යන්න එපා. අඹු – සැමි ප්‍රශ්න දුරදිග යන්න පිළිවන. රටගිය අයටත් ගම රට බලා පැමිණීමට නොසිතූ හේතු යෙදෙයි.

සුළු දෙයටත් කෝපව නීති ප්‍රශ්න ඇතිකර ගනී. දුර දිග යන ප්‍රශ්නවල පැටලිය හැක.

ශරීර සනීපය යහපත් නොවේ. හදිසි සැත්කම්වලට මඟ පාදයි. ලේ සම්බන්ධ රෝග හෝ ගැස්‌ටික්‌ වැනි රෝග පවතී.

ශුභ දිනය – බ්‍රහස්‌පතින්දා ශුභ වර්ණය – කහ

ශුභ අංක 3 – 9 ශුභ මැණික්‌ පුෂ්පරාග

සැමට ශුභ අලුත් අවුරුද්දක්‌ වේවා

ඇදුම් අදින කාමරේ ඇතුලේ වීඩියෝකැමරා

2011-12-31T23:31:00.000+05:30

සුප්‍රකට රෙදි සාප්පු ජාලයකට අයත් දෙහිවල රෙදි කඩයක ඇදුම් ඇඳ බලන කාමර තුළ මයික්‍රෝ වීඩියෝකැමරා සවි කර තිබී ඇති බව අප වෙත වාර්තාවේ.ඊයේ එම රෙදි කඩයට ගිය තරුණියක් විසින් මේ පිළිබදව සොයාගෙන ඇති අතර,ඇය මේ පිළිබදව අදාළ ආයතනයෙන් ප්‍රශ්න කර තිබේ.

අනතුරුව එම ආයතනය රුපියල් 20,000 වටිනා ඇඳුම් තෑගී දී ඇය පිටත් කර ඇත.මෙය දුටු කිහිප දෙනෙකුට 50% වට්ටම් ලබා දී සතුටු කර ඇති බවද වාර්තාවේ.

ශ්‍රී ලංකා පොලීසිය ‘ඩිජිටල්’ වෙයි

2011-12-31T23:19:00.000+05:30

දිවයින පුරා පිහිටි සියලුම පොලිස් ස්ථාන අන්තර්ජාලයට සම්බන්ධ කිරීමට පොලිස් මූලස්ථානය සැලසුම් කොට ඇත.

මීට අමතරව මේ වසර සඳහා පොලිස් මූලස්ථානය ක්‍රියාත්මක කිරීමට සැලසුම් කොට ඇති වැඩසටහන් අතර සිවිල් ජනතාව පොලිසියට ඉදිරිපත් කරන සාමාන්‍ය පැමිණිලි පිළිබඳ පරීක්ෂණ කටයුතු පැය 48ක දී විසඳා අවසන් කිරීමට මූලිකව ක්‍රියා කෙරෙනු ඇත. මේ වනවිට දඩ මුදල් තැපැල් කාර්යාලයට ගෙවීමේ ක්‍රමවේදය වෙනුවට එස්. එම්. එස්. මඟින් දඩ මුදල් ගෙවීමේ පහසු ක්‍රමයක් ද ක්‍රියාවට නැංවේ.

පොලිසිය විසින් පුද්ගලයින්ගේ තීන්ත ආලේපයක් ඇසුරින් ඇඟිලි සලකුණු ලබාගැනීමේ ක්‍රමය වෙනුවට විද්‍යුත් තාක්ෂණය අනුව එම කටයුතු කෙරේ.

බොලිවුඩ් තරුවක් වීමට සිහින දකින ලොව මිටිම කෙල්ල

2011-12-31T23:15:00.000+05:30

ජෝති හැමදාම සිහින මැව්වේ තරුවක් වීමටයි. ඒ සිහින සැබෑ කරමින් අන්තිමට ඈ විශේෂිත පුද්ගලයෙක් වුණා. ජෝති අම්ගේ උපන්නේ උතුරු ඉන්දියාවේ මහාරාෂ්ඨ ප්‍රාන්තයේ නාග්පූර්වල. ඇය තවමත් උසස් පාසල් ශිෂ්‍යාවක්. පසුගිය දිනවල ඇය මුළු ලෝකය පුරාම ප්‍රසිද්ධ වුණා. ඒ ඇගේ උස නිසයි.

ලෝකයේ උසින් අඩුම කාන්තාව ලෙස ජෝති ගේ නම පසුගියදා ගිනස් ලෝක වාර්තා පොතට එක් වුණා. ඇගේ උස සෙන්ටි මීටර්වලින් නම් 62.8 යි. අඟල්වලින් නම් 24.7 යි. ඇයට ඇත්තේ සාමාන්‍යයෙන් වයස අවුරුදු දෙකක ළමයකුගේ උසයි.

පසුගිය දෙසැම්බර් මාසෙ 18 වැනිදා ජෝතිගේ ජීවිතයේ විශේෂ දවසක්. එංගලන්තයේ ලන්ඩන් නුවර සිට නාග්පූර් බලා ආ ගිනස් නියෝජිතයා ඇගේ උස මැන බලා ලොව උසින් අඩුම කාන්තාව ලෙස ජෝති ගේ නම ප්‍රකාශ කළේ එදිනයි. මෙදින ජෝති ට වයස අවුරුදු 18 ත් සම්පූර්ණ වුණා. මේ උත්සවයට ජෝති සමඟ ඇගේ නෑදෑයන් 30 දෙනකු පමණ සහභාගි වූවා.

එදා ජෝති සැරසී සිටියේ ඇය ආසාම කළ ලස්සන සාරියකින්. එදා ඇගේ උපන් දිනයත් සිහිපත් කරමින් නෑයෝ උපන් දින කේක් ගෙඩියකුත් කැපුවා. ජෝති මේසයක් මතට නැංවූ ගිනස් නියෝජිතයා මිනුම් පටියකින් ඇගේ උස මනිද්දි ඇය බලා සිටියේ කඳුළු පිරි දෙනෙතින්.”මං පුංචි වුණු එක ගැන මට හරිම සතුටුයි. එයින් මට අනන්‍යතාවක් සහ පිළිගැනීමක් ලැබුණා. මගේ උස නිසා මං නාග්පුරය ලෝක සිතියමේ සටහන් කළා. දැන් ලොව සැවොම නාග්පුරය ඇත්තේ කොහේද කියා දන්නවා. මෙය මට ලැබුණු උපන් දින තෑග්ගක්”, ලොව උසින් අඩු ම කාන්තාව ලෙස ප්‍රකාශයට පත් කරනු ලැබීමත් සමඟම ජෝති පැවසුවා.

පාසල් අධ්‍යාපනය හමාර කර විශ්ව විද්‍යාලයට ගොස් උපාධි ලබා ඉන්පසු බොලිවුඩ් තරුවක වීම ජෝති ගේ බලාපොරොත්තුවයි.මෙය ජෝති ගේ පළමු ගිනස් වාර්තාව නොවේ. ඇය මීට පෙර ගිනස් පොතට එක්වූයේ ලොව උසින් අඩු ම යෞවනිය ලෙසයි. වයස අවුරුදු 18 ලැබුවාත් සමගම ඇයට මේ අලුත් ‘පට්ටම’ ලැබුණා.
ලොව උසින් අඩුම යෞවනිය ලෙස ඇය ජපානයේ සහ ඉතාලියේ සංචාරය කළා. ඒ ගමන්වලදී ගිනස් වාර්තා තැබූ අනෙක් අයද හමුවීමේ අවස්ථාව ඇයට ලැබුණා.

මෙවර ජෝති ගේ උස මැන බැලූ ලන්ඩන් ගිනස් නියෝජිතයා පැවසුවේ ඇය පසුගිය දෙවසර තුළ සෙන්ටි මීටර් එකකින් උසින් වැඩිවී ඇති බවයි. ඔවුන් එය නිවේදනයක් මගින් ප්‍රකාශයට පත් කළා.ලෝක ඉතිහාසයේ කෙටිම කාන්තාව ලෙස වාර්තා තැබුවේ නෙදර්ලන්තයේ පෝලින් ය. ඇගේ උස අඟල් 24 කි. ඒ 1876 – 1895 අතර කාලයේදීයි.
2011 වසරේ සැප්තැම්බර් වනතුරු ලොව උසින් අඩුම කාන්තාව ලෙස වාර්තාව ඉසිළුවේ ඇමෙරිකාවේ බ්‍රිජට් ය. ඉන්දියාවේ ජෝති බ්‍රිජට්ටත් වඩා සෙන්ටිමීටර් 7 ක් උසින් අඩුය.

ෆොන්සේකා නිදහස් කිරීම කල් යන ලකුණු

2011-12-31T23:07:00.000+05:30

බන්ධනාගාරගතව සිටින ජෙනරාල් සරත් ෆොන්සේකා මහතාට ජනවාරි 01 වනදා පොදු සමාවක් ලැබෙන බවට පසුගිය දින කිහිපයෙහි මාධ්‍ය වාර්තා කර තිබුණද මේ දක්වා ඒ සම්බන්ධයෙන් නිත්‍යානුකූල කටයුතු කිසිවක් සිදු වී නොමැති බව අධිකරණ අමාත්‍යංශයේ ජ්‍යෙෂ්ඨ නිලධාරියෙකු අප කළ විමසීමකදී පැවසීය.

ජනාධිපති කාර්යාලය විසින් හෝ අධිකරණ අමාත්‍යංශය විසින් මේ දක්වා ජෙනරාල් ෆොන්සේකා නිදහස් කර ගැනීමට අදාළ කිසිදු පියවරක් ගෙන නොමැති බව ඔහු අවධාරණය කර සිටියේය.

මේ සම්බන්ධයෙන් බන්ධනාගාර කොමසාරිස් ජෙනරාල් පී.බී.ඩබ්. කොඩිප්පිලි මහතා ‘රාවය’ පුවත්පතට ප‍්‍රකාශ කොට ඇත්තේ, මෙතෙක් කිසිම දිනෙක ජනවාරි මාසයේදී සිරකරුවන් නිදහස් කිරීමක් සිදු කර නොමැති බවත්, ජෙනරාල් ෆොන්සේකා නිදහස් කිරීම පිළිබඳව එබඳු තීරණයක් මෙතෙක් ගෙන නොමැති බවත්ය.

සාමාන්‍ය ලෙස පොදු සමාවක් හිමිවීමට නම් දඬුවමින් යම් කොටසක් විඳි හා යහපත් ලෙස හැසිරුනු පුද්ගලයන් අධිකරණ අමාත්‍යංශය විසින් නිර්දේශ කිරීමෙන් අනතුරුව, ජනාධිපතිවරයා විසින් අනුමත කිරීමෙන් පසු සෑම වසරකම පෙබරවාරි 04 නිදහස් දා නිදහස් කරනු ලබන බවද ඔහු පවසා තිබේ. නමුත් පසුගිය වසරේදී පමණක් වෙසක් දිනය, 2600 සම්බද්ධ ජයන්තිය හා සිරකරු සුබසාධන දින තුළ සිරකරුවන් පිරිසකට ජනාධිපති පොදු සමාව හිමි වූ බවත් කොඩිප්පිලි මහතා පවසයි.

එහෙත්, ජනාධිපති බලතල යටතේ ඕනෑම වරදකරුවෙකුට ඕනෑම දිනක ජනාධිපති විශේෂ සාමව යටතේ ජනාධිපති සාමවදීමට ජනාධිපතිවරයාට බලය ඇති බවද කොඩිප්පිලි මහතා සඳහන් කරයි.

ජෙනරාල් ෆොන්සේකා නිදහස් කිරීම සම්බන්ධයෙන් මාධ්‍යවල පළ වී ඇති වාර්තා පිළිබඳව අදහස් දක්වමින් අනෝමා ෆොන්සේකා මහත්මිය ‘රාවය’ පුවත්පතට ප‍්‍රකාශ කොට ඇත්තේ, එම කටකතාවල සත්‍යයක් නොමැති බවයි. විවිධ පාර්ශ්ව විවිධ ස්ථානවල සිට තමන් ජනාධිපතිවරයාගෙන් සමාව ඉල්ලිය යුතු බවට ප‍්‍රකාශ කළද, තමන් වෙත ඍජුව එවැනි යෝජනාවක් කිසිවෙකු මෙතෙක් ඉදිරිපත් කර නොමැති බවයි.

එවැනි සමාවක් ඉල්ලීමට ජෙනරාල්වරයා වරදක් සිදු කර නොමැති හෙයින් කිසිවිටෙක එවැනි සමාවක් නොඉල්ලන බවද ඇය අවධාරණය කර තිබේ.

කෙසේ වුවද, ජෙනරාල් ෆොන්සේකා මහතාට සහාය දක්වන මාධ්‍ය ආයතනයක ප‍්‍රධානියෙකු අප වෙත පවසා සිටියේ, ජෙනරාල් ෆොන්සේකා නිදහස් කරන දින විකාශය කිරීමට අදාළ වැඩසටහන් පවා මේ වනවිට සකස් කර තිබෙන බවයි.

ගුගල් සැන්ටා රනිදුගෙන්

2011-12-30T20:14:00.004+05:30

ලොව ප්‍රසිද්ධ අන්තර්ජාල සම්බන්ධ සේවා ලබාදෙන ආයතනයක් වන ගුගල් ආයතනයේ නත්තල වෙනුවෙන් නිර්මාණය කල "ගුගල් සැන්ටා සර්ච් ටිප්" වීඩියෝවට සංගීතය නිර්මාණයකොට ඇත්තේ ස්රිලාංකිය සංගීතය ජාත්‍යන්තරයට ගෙන ගිය රනිදු ලංකාගේ විසිනි.

නිකුත් කරන ලද වීඩියෝවේ නිරුපනයන් හා ගායනයන් සිදු කරනු ලබන්නේ ගුගල් ආයතනයේ සේවකයන් විසින් වන අතර රනිදු ලංකා ගේ ද ගුගල් ආයතනයේ සංගීත අධ්‍යක්ෂකයෙකු ලෙස කටයුතු කරයි.

Lyrics:

Yo, I run a few searches before the big flight,
To save me more time on this magical night.
I type [sunrise and city] of my last stop,
I got plenty of time before my last drop.
If I don't know the time in a certain city,
I peep it on search before my chimney shimmy.
Tyle [time and town] before I come into town,
To see if Johnny's in bed before I hit ground. Go Santa,
Santa work it! Go Santa, Santa search it! But before I go flying through the frosty air,
I do a weather search to decide what to wear.
Mrs. Clause, should I bring my extra warm down jacket? [Mrs. Clause]: Hmmm, yes.
You should definitely pack it. And please pack these cookies that I baked for you. Shhhhh! I researched the recipe with recipe view, And used the low cal filter, I must admit: I wanna make sure that jacket still fits!
Go Santa, Santa work it! Go Santa,
Santa search it! Check one, check two: yes I check twice. Santa's Google Doc called 'Naughty and nice.' With control+F, I find a name in the doc n', I hope I don't have to put coal in a stockin' When I'm cruising in my sleigh with my hands on the reigns, Voice input is handy, 'cause typing is a pain. If on a wish list I spot a gift I never heard: schlittschuhe, I use the translate app to speak the foreign word. Go Santa, Santa work it! Go Santa, Santa search it!
Go! Go! Go! Go! Go! Ho, Ho, Ho, Ho. Go Santa, Santa work it!
Go Santa, Santa search it!
Go! Go! Go! Go! Go! Yeah!

එම වීඩියෝව මෙතනින්

ප්‍රංශ කොටි ජාලය ප්‍රභාගේ රුව සහිත මුද්දර නිකුත් කරයි

2011-12-30T19:57:00.001+05:30

ප්‍රභාකරන්ගේ රුව ඇතුළු කොටි මුද්දර හතරක්‌ ප්‍රංශ කොටි ජාලය විසින් ප්‍රකාශයට පත්කර ඇත මේ කොටි මුද්දරවලට ප්‍රංශ තැපැල් දෙපාර්තමේන්තුව අනුමැතිය දී තිබේ. ශ්‍රී ලංකාවෙන් 2/3 ක්‌ ඊළාම් රාජ්‍යයට අයත් බව දැක්‌වෙන ඊළාම් සිතියම කොටි ධජය සහ කොටි පුෂ්පය දැක්‌වෙන මුද්දර මෙයට ඇතුළත්ව ඇත. මෙම කොටි මුද්දර පෙරේදා (28) සිට ප්‍රංශ මුද්දර සමග අලවා විදෙස්‌ රටවල සිටින කොටි ඩයස්‌ පෝරාව වෙත යෑවීමට ආරම්භ කර තිබේ.

මේ සම්බන්ධව ප්‍රංශයේ ශ්‍රී ලාංකිකයන් විසින් ප්‍රංශ රජය වෙත විරෝධය පා ඇත.